Já það er kominn vetur, heilsar fremur blíðlega og dagurinn í dag hefur verið sérlega bjartur og fallegur.

Flest lömb farin í sláturhús og búið að velja endanlegan ásetning. Nokkrar haustmyndir fylgja hér með.

Dagur sauðkindarinnar var haldinn í 4. sinn í Skeiðvangi, reiðhöll þeirra Rangáþings-eystra manna.

Allt gekk vel, margt fólk og mikið af fallegu sauðfé.  Við sem höfum staðið að undirbúningi þessa

viðburðar erum þokkalega sátt með daginn.

Fyrir okkur hér á Kaldbak var dagurinn afar góður þar sem við fengum viðurkenningu fyrir

ræktunarbú sýslunnar þetta árið.  Áður hafa búin á Ytri-Skógum, Skarði og Teigi 1 fengið þessa

viðurkenningu.  Auk þess fengum við viðurkenningu fyrir bestu 5 vetra ána.  Hér á eftir fylgja

nokkrar myndir frá deginum.  Nánari umfjöllun verður síðan í Bændablaðinu sem næst kemur út.

Viðurkenning fyrir ræktunarbú sýslunnar 2010 og bestu 5 vetra ána 2011.

Rökkvi Hljómur og Harpa Rún frá Hólum og Brynjar Gísli í Þjóðólfshaga.

Klara Hallgerður á Kaldbak og Steinn í Hjarðarbrekku.

Frændurnir Haraldur Gísli og Sverrir í Selsundi.

Björk í Selsundi kom með rokkinn og kenndi gestum að spinna.

Gunnar í Húnakoti og Erlendur í Skarði.

Áhugi gesta er mikill að fá að þukla hrútana að dómi loknum.

Fljótshlíðingar  með þrjá efstu hrútana Jón Örn í Hlíðarendakoti með efsta lambhrút sýningarinnar

en hann hlaut 90 heildarstig, Guðni í Teigi með hrút sem var í öðru sæti og loks Viðar bóndi með

hrút frá okkur sem var í þriðja sæti, sá er undan Arði og Demantsklönku.

Jón Örn með 90 stiga hrútinn frá Hlíðarendakoti.

Þarna sýnist mér Harpa Rún vera strax orðin mjög sigurviss um að vinna litakeppnina, Rökkvi Hljómur

með henni.

Enda varð raunin sú að gimbrin hennar rústaði keppninni með meira en helming greiddra atkvæða,

enda gimbrin litfögur svo eftir var tekið.  Að launum fékk Harpa Rún málverk eftir Gunnhildi í Berjanesi.

Þarna eru veturgömlu hrútarnir komnir í röð og ystur er Jón í Austvaðsholti með sinn kosta grip

sem varð efstur í flokki veturgamalla hrúta.

Jón með Borðasoninn.

Jón í Austvaðsholti, Erlendur í Skarði og Stefan í Þjóðólfshaga.

Lovísa og Vignir í Hemlu áttu bestu gimbrina á sýningunni.

Hermann Árnason var kynnir og stjórnar þarna uppboði af myndarskap.

Stjörnu-Maðra kastaði brúnum hesti aðfaranótt sunnudag 9. okt.  Hann hefur fengið nafnið

Rökkvi er undan Mídasi.  Frekar lítill en duglegur og lék sér í sólinni í morgun þegar myndataka

fór fram. 

Rökkvi og Stjörnu-Maðra

Þeir eldri að forvitnast

Freysteinn sá grái undan Von og Hnífi og Þróttur undan Heru og Sólfaxa.